ДЗÆНÆТЫ ЦЪÆХ НÆУУ

Мæрдты бæсты йыл хъазынц сывæллæттæ. Сослан дæр сыл фембæлы уым. Мæнæ куыд зæгъы йæ мард ус Бедухайæн: «Æрбахæццæ дæн бирæ сывæллæттæм: алыхуызон дзауматы, алы азыккæттæ, цъæх нæууыл хъазыдысты. Чи дзы бæгъæмвад уыд, чи – ронбæгъд, чи та – æнæхуд. Худтæ сæ рæтты тъыст уыдысты, рæттæ сæ хъуырты æфтыд, дзабыртæ – фæдджиты, фæдджитæ та – сæртыл тыд. Чи мæ дзы йæ мад хуыдта, чи мæ йæ фыд хуыдта; куыннæ сын фæтæригъæд кодтаин: барæвдыдтон сæ, алкæй дзы йæ дзауматы, куыд æмбæлы, афтæ сарæзтон. Рараст дæн, æмæ мæм фæсте дзурынц: «Сослан, фæндараст фæу, цы хъуыддаджы фæдыл цæуыс, уый дæ къухы бафтæд!» «Уыдон уыдысты, – загъта Бедуха, – сидзæрæй чи амард, ахæмтæ. Барæвдыдтай сæ, æмæ дыл сæ арфæ æрцæудзæн».

кæс «АРВЫ ДУАР»-Ы СÆРГÆНДТÆ